ابڙو اڪيڊمي Abro Academy
2020-07-23
داخلا نمبر 664
عنوان ڊاڀـڻ پـيـڻ
شاخ پکي
پڙهيو ويو 345
داخلا جو حوالو:
ڊاڀـڻ پـيـڻ
ڊاڀـڻ پـيـڻ
ڊاڀـڻ پـيـڻ
ڊاڀڻ پيڻ جا سنڌيءَ ۾ ٻيا نالا ڦيڻائي پيڻ، سُهب پيڻ ۽ ديو هنس آهن. اها 180 سينٽي ميٽر جسامت جي آهي. نَـر ماد هڪجهڙا ٿين ٿا. ان جو رنگ ميرانجهڙو اڇو گلابي ٿئي ٿو ۽ پَـرن ۾ ڪٿي به ڪارو کنڀ ڪونه اٿس. ڊگهي چهنب سان هيڊي نارنگي ٿيلهي اٿس جنهن ۾ پاڻيءَ مان مڇيون جهلي ٿو. مٿي تي هلڪي چوٽڙي هوندي اٿس. ٽنگون گھريون سرمائي اٿس.
ڊاڀڻ پيڻ تانگهي پاڻيءَ ۾ ٽٻي هڻي مڇي جهلي ٿي ۽ پوءِ چهنب مٿي ڪري پاڻي هاري ڇڏي ٿي. انهن جا افزائشي علائقا ڌٻڻين ۾ ٿين ٿا. ان جو آکيرو ترندڙ ٻوٽي جي گاديلي تي ڪاٺڙين ۽ گاهه جو ٿلهو هوندو آهي. ڊاڀڻ پيڻ اڪثر سياري ۾ ڍنڍن تي نظر ايندي آهي. ھي به ماحول : 7 جو پکي آھي.